| Ц.Зориг Нийслэлийн Захиргааны хэргийн шүүхэд ажиллав |
  
|
|
Улсын Дээд шүүхийн Ерөнхий шүүгч, Шүүхийн Ерөнхий зөвлөлийн дарга Ц.Зориг 2012 оны 2 дугаар сарын 2-ны өдөр Нийслэлийн Захиргааны хэргийн шүүхээр орж, ажил байдалтай нь танилцлаа. Ц.Зориг Нийслэлийн захиргааны хэргийн шүүх бол манай улсын хамгийн залуу шүүх болохыг онцлоод сайн шүүхүүдийн нэг хэмээн дүгнэдгээ хэлсэн юм. Мөн “Шүүхийн шинэчлэлийн түүхэн цаг үед бид ажиллаж байна. Монгол Улсын Ерөнхийлөгчийн санаачлагаар Шүүх эрх мэдлийн хүрээнд шинэтгэлийг гүнзгийрүүлэх хөтөлбөр хэрэгжиж эхлээд нэг жилийн хугацаа өнгөрлөө. Энэ хугацаанд шүүхийн шинэтгэлийн асуудлаар үндэсний чуулган зохион байгуулагдсан. Шүүгч, хуульчид, иргэний нийгмийн төлөөлөл гээд хүссэн болгон уг чуулганд оролцож, шүүхийн шинэчлэлийн талаар санал бодлоо илэрхийлсэн. Тэр үеэр хэлэлцсэн асуудлууд Шүүхийн тухай багц хуулийн төсөлд орж, энэ хууль одоо УИХ-аар хэлэлцэгдэх шатандаа явж байна. Монгол Улс үндэсний эрх чөлөө тусгаар тогтнолоо сэргээсний 100 жилийн ойд зориулсан УИХ-ын хүндэтгэлийн чуулган дээр Ерөнхийлөгч Ц.Элбэгдоржийн хэлсэн үгэндээ дэвшүүлсэн зорилтыг бүх шатны шүүхүүдэд хэрэгжүүлэх үйл ажиллагааны чиглэл гарган ажиллаж байна. Улсын Дээд шүүх, Шүүхийн Ерөнхий зөвлөлөөс сахилга хариуцлагагүй байдал, мэргэжлийн алдаа зориуд гаргах, архидан согтуурахтай тууштай тэмцэл хийж байгаа. Өнгөрсөн хугацаанд нэлээд олон хүнд арга хэмжээ авсан. Нэг хүний буруутай үйл ажиллагаанаас болж бүхэл бүтэн салбарын нэр хүнд унах тохиолдол гарч байгаа тул ийнхүү хандахаас өөр аргагүй юм” хэмээн ярив. Мөн 2004 оноос хойш тус шүүх байгуулагдаж захиргааны хэргийг дагнан шийдвэрлэх болсон нь ихээхэн ач холбогдолтой болсныг дурдаад дагнасан шүүхийн төлөвшилтөд Улсын Дээд шүүхийн Захиргааны хэргийн танхимын тэргүүн О.Зандраагийн гавьяа үлэмж болохыг онцолсон юм. Энэ үеэр Нийслэлийн Захиргааны хэргийн шүүхийн Ерөнхий шүүгч Х.Батсүрэн тус шүүх байгуулагдан ажилласан 8 жилийн хугацаанд хийсэн ажлынхаа талаар зарим зүйлийг товч танилцуулав. Уг шүүх анх байгуулагдсан үе буюу 2005 онтой харьцуулахад явуулсан бичгийн тоо 10 дахин, шийдвэрлэсэн хэргийн тоо 3 дахин өсчээ. Улсын хэмжээгээр анхан шатны журмаар хянан шийдвэрлэж байгаа хэргийн 60 шахам хувийг Нийслэлийн захиргааны хэргийн шүүх шийдвэрлэдэг, шүүхийн ажлын ачаалал их байгаа талаар энэ үеэр мөн яригдсан юм. Уулзалтын төгсгөлд Улсын Дээд шүүхийн Ерөнхий шүүгч, Шүүхийн Ерөнхий зөвлөлийн дарга Ц.Зориг тус шүүхийн хэвийн ажиллах нөхцөлийг бүрдүүлэх зорилгоор 21 ширхэг компьютер өгч байгаагаа мэдэгдэн, гардуулан өгчээ. |
| Захиргааны хэргийн шүүх хурдтай хөгжиж байна |
|
|
|
ХБНГУ-ын Бавари муж улсын Захиргааны сургуулийн тэргүүн асан, шүүгч асан, доктор, профессор Юрген Харбих “ХБНГУ-ын болон Баварийн өөрөө удирдах ёс” сэдвээр Дээд шүүх, Захиргааны хэргийн давж заалдах шатны шүүх, Нийслэлийн Захиргааны хэргийн шүүхийн шүүгч нарт лекц уншив. Уг сургалтыг Улсын Дээд шүүх, Ханнс Зайделийн сангийн Монгол дахь төлөөлөгчийн газар хамтран зохион байгуулсан байна. Энэ үеэр Юрген Харбих хэлсэн үгэндээ “Монгол Улсад Захиргааны хэргийн шүүх үүсээд наймхан жил болж байгаа ч хурдтай хөгжиж өндөр түвшинд ажиллаж байна. Үүнийг ганц би биш, олон орны судлаач эрдэмтэд ийнхүү дүгнэж байгаа” хэмээн дурджээ. |
| Удирдамж, ажлын хэсгийн бүрэлдэхүүн батлах тухай |
|
|
|
МОНГОЛ УЛСЫН ДЭЭД ШҮҮХИЙН ЕРӨНХИЙ ШҮҮГЧ, 2012 оны 01 сарын 31-ны өдөр Дугаар 13-12 Улаанбаатар хот Удирдамж, ажлын хэсгийн Шүүхийн тухай хуулийн 35 дугаар зүйлийн 35.4, 65 дугаар зүйлийн 65.2-т заасныг үндэслэн ЗАХИРАМЖЛАХ нь:
ЕРӨНХИЙ ШҮҮГЧ, ШҮҮХИЙН |
|
| Дэлгэрэнгүй... |
| Дээд шүүхийн шүүгчийн албан тушаалд Д.Эрдэнэбалсүрэнг томилуулах саналыг өргөн мэдүүлнэ |
|
|
|
Шүүхийн Ерөнхий зөвлөлийн ээлжит хуралдаан 2012 оны 1 дүгээр сарын 31-ний өдөр хуралдаж 9 асуудал хэлэлцлээ. Тус хуралдаанаар Д.Эрдэнэбалсүрэнг Улсын Дээд шүүхийн шүүгчийн, Б.Батзоригийг Сэлэнгэ аймгийн шүүхийн шүүгч, Ерөнхий шүүгчийн, Л.Гансүхийг Өвөрхангай аймгийн шүүхийн шүүгч, Ерөнхий шүүгчийн, Б.Мангиликийг Баян-Өлгий аймаг дахь сум дундын шүүхийн Ерөнхий шүүгчийн, Д.Сугарыг Сүхбаатар аймаг дахь сум дундын шүүхийн Ерөнхий шүүгчийн, Ө.Уянгыг Төв аймаг дахь сум дундын 2 дугаар шүүхийн шүүгчийн албан тушаалд томилуулах тухай саналыг Монгол Улсын Ерөнхийлөгчид өргөн мэдүүлэхээр тогтоол гарлаа. Түүнчлэн зарим шүүгчид зэрэг дэвийг шинээр болон нэмэгдүүлэн олгох асуудлыг шийдвэрлэсэн байна.
|
|
<< Эхлэх < Өмнөх 1 2 3 4 5 6 7 8 9 10 Дараахи > Төгсгөл >> |
| Хуудас 24-с 1 |
